إنتي ( الشاعر المصري الكبير محمد كشيك )

Posted on 4 مايو 2011 بواسطة



إنـــــتي
————-

انتي في حالة تجلي
ولا صمت,وامتناع
انتي عتمة
وراها..عتمة
ولا مصدر
للشعاع…
راكبه هودوج… ولا ماشية
ولا سايقة الاحصنه
انتي اعدائي
…تواطئوا…
ولا قلعة محصنة
انتي ((عادلة))مع الجميع
ولا غاويه القرصنه

انتي عايشه
في المجرة
ولا مالكيش بيت,هنا…
انتي جوهر,
م-الجواهر ، ام عرض
ولافي الغيب..
. جوهرة
انتي شيئ ثابت,اكيد
ام حاجات.
..متغيرة
انتي شيخه.
..يا هل تري
ولا طفله صغيرة

انتي بنتي,
ولا امي
أم – ضني

انتي واحده
ولا مجموعة ملاحدة
ولا عبدة…مؤمنه

انتي شيئ
خالد مؤكد
أم – إلي ، ظن –
وزوال…
انتي اسرار الحقيقه
ولا – بحر من الضلال

ماشية فوق الارض
…مالكيش
اي صوت
انتي انتي – ام انا
انتي جايه من
ينابيع الحلال
ولا من نطفه …زنا

انتي اصل الفرحة,
ولا ، سـر ،
المحزنه
انتي كنتي
كنيسه –
ولاتاج فرعوني
ولا مئذنه

نظرة يا ام العواجز
لاجل خاطر ,ربنا
اكشفي الستر
اللي حاجز
بين هناك, وما بين هنا
اكشفي-مرة –اللثام

ابقي واحدة بس
ومافيش انقسام…

عايز اعرف : مين انا ؟
يا امامة,
يارئيسه
، يا ام الغلام
يا بخيلة…يا محسنه

اكشفي الاسرار
– وبوحي
بالكلام
انطقي بفصل المقال
شايل الجرانيت علي كتافي
التقال
من ميتين مليون سنه
ماشي زي العبد
بازرع في الغلال
عمري شايل – من عناقيدك
سلال ،

حامل القرابين باصلي
في ابتهال
يا إمامه
…يا امام
جاوبي-ارجوكي- السؤال
اكشفي-مرة اللثام
عايز اعرف
مين – أنا ؟

محمد كشيك
،،،،،،،،،،،،،،،،،،،،،،،،،،،