على غصنك بتمرجح ( محمد كشيك )

Posted on 19 مارس 2011 بواسطة



علي غصنك ، باتمرجـــح
وفي حضنك – بارتاح
فيكي شـــبه ، م الورده
لمـّــا ،عبيرك
فاح ،

وكمان زي الشجره
زي الشجره ،كمان
طالعه في قلب جنينتي
وفاضحنا ، الرمــّا ن
أقطف من عناقيدك
وأنام – ع الأغصان
باقعد جنبك ، أفرح
أبعد – مش فرحـــان
كنت زمان إيه ، باصبح
عودي ،
كعود – الزان
كل دقيقه باشــوفك
بتروح الأحزان
الأحزان – بتروح
وإنتي جميلة الروح
أنا ،جوّاكي ، بازقزق
ولا فيه حزن
ونــوح
جوه بحورك – باغطس
ولا – أجدع سـبّاح
مش راح ، أقول ،
أو – أخبص
ولا ، يوم – ســرّي
مبـــاح
المشمش ، يدارينا
والبلبل – فضــّاح
عمري ما قلت ، ياحلوه
لمـّا ، العصفور ، صاح
ماباخافشي من المطره
ولا من أي
ريــاح
بازرع ، مليون شجره
عندك – أرض
براح ،
ليه ، باستحمل ، بعدك
واعشق ، ياما – جراح
مش ممكـن – أتحيــّر
ولا أبدا ، باتزعزع
حبك فيـّا ، مزهـّر
نفسي قوام – أتغيــّر
إنتي ، ياحلوه – الأروع
فيكي ، إيقاع ، وبراعه
أرجع تاني ، صغيـّر
كما ورق النعناعه
أنا مفطوم – باتحـرّر
ولاباشبعشي
، رضاعه ،
ليـّا العشق الأبدي ،
ليكي ياحلوه الطاعه
باشرق كل دقيقه
تحاوطني الأغصان
زي الضي ، جريئه
حضنك دافي ، أمـــان
في جناينك – باتلـوّع
لكن ، دايما
، باطمــــع

إنتي ، في روحي
بريئــه ،
في النور – إنتي
الأروع ،
باتي ، وشـدّي ، لحافي
راح أجي لك
لو حافي
أنا محتاج لمطـــــافي ،
من نار ، روحي ، باولـّع
واشرب شهدك ،
صافي
ولا ، فيه مطره – تندّع
في غديرك ، خطـّافي
ولا نور – فينا
بيشفع
من وسط المخاليق
في البراويز
بنليق
طول اليوم ، بنزقزق
ولا فيه لحظه
بنزهق
ولا فيه – كون
يضيق
من عطرك ، باتنشـّق
كل فرحنا ، برئ
عمري ما أبدا – أزهق
ولا – ابطـّل ، تحليق
عاشق دايما
باعشق
حطـّي شفايفك – أهدأ
زي الشهد ، الريق
بتلميني – اتبعزق
بتحاوطيني ، أشقشق
لمـّا باجوع ، لغرام
أرجع طفل ، قوام
وقت النوم ، وبابحلق
وقت العشق
، بانام
قربي قوي ،
ياحبيبتي ،
حـلّي ياقمره – حزام
وسط جليد ، باتزحلق
دفـّي ،جدع ، سقعان
باتهزهز – وبازقزق
وباسـبّح
كروان ،
نازله – المطره ، تندّع
عشق في كل ، مكان
الأغصان ، بتفــرّع
وبتطلع ، أغصان
طول الليل – أتمتــّع
ولا تسمعنا ، ودان
دوقي ياحلوه ، السكـّر
نفسي ياحلوه – أدوق
ماشاء الله
ع المنظــر
أن دايخ ، دوخــــان
أطلعي ، فوق ، لشجرتي
إنتي حبيبتي
وجارتي
إختارتك ، وإختارتي

ياحلاوه – ياجدعان