شعبان عبد الرحيم يغني للبندورة مع كلمات الأغنية الجديدة

Posted on 27 أكتوبر 2010 بواسطة



2010

انتهى الفنان المصري شعبان عبد الرحيم من إعداد أغنية للبندورة بعنوان “حتى انتي يا اللي اسمك قوطة” من تأليف محمد حسن الشرقاوي، وقد تم تأليفها وتلحينها وغنائها في يوم واحد وسيتم توزيعها على الفضائيات خلال أيام، وقال شعبان إن هدف الأغنية الدعوة لخفض أسعار البندورة، حتى تكون في متناول الجميع.
وتقول كلمات الأغنية “حتى انتي ياللي اسمك قوطة.. بتذلي فينا ومبسوطة.. حرام عليكي يا مجنونة.. خليكي عاقلة ومظبوطة.. عاملنا أزمة وشبورة.. وبقيتي في السوق مشهورة.. وكل يوم طالعة في جرنال.. ومنزلك كام صورة.. بقى ليكي سعر وليكي قيمة.. يا مفعصة وعاملة سليمة.. مش بعيد بعد شوية.. نشوف جنابك في السيما.. من امتى وانتي بعشرة جنيه.. والناس غلابة ها تعمل إيه.. بقيتي أغلى من التفاح.. ومنفضة لنا وعاملة بهية.. مجنونة أكتر من العادة.. والحالة جاتلك بزيادة.. يارب أشوفك يا طماطم من السراية واخدة شهادة.. ده حتى شكلك مش هو.. وبايظة خالص من جوه.. رضينا وانتي معندانا.. واخدة الأمور عافية وقوة.. حرام عليكي خنقتينا وبأي حق تذلينا.. من بعد ما دخلتي في أزمة.. الكل بقى يلعب بينا.. هانشتكيكي يا قوطة لمين”.